《應徵》之後，我想寫《旅行》，但尚未下筆，已經覺得很悶……在這個喜鬧當道的世界，我一點信心也沒有。
P.S 為了「資料搜集」，我重看林愛華的《十二夜》，依然感到很震撼。我的愛情觀(即拍拖Dos & Donts)，基本上來自這齣電影，獲益良多！
Written on 29 August 2008
by 李尋歡 under
戲劇, 生活
with
今晚看了戲匯08決賽演出，捧Gump的場。三齣作品，分別為《望遠鏡》、《我愛‧奇拿》和《美點雙暉》，共通點是喜鬧成份居多，這個年頭，還是笑聲最受歡迎。
雖然不算精采絕倫，但看戲的時候仍相當享受。
P.S ：
今晚碰見了Brooke(《戲夢》演員)，忽爾想起《應徵》落幕後，她跟我說，她的朋友讚《應徵》寫得好，我說：「係咩？係咪靚女黎架？」她沉默了半晌，說：「哈哈，係呀，其實係我黎架，哈哈…….」很討厭這個為了social而假裝口花花的自己。
Written on 25 August 2008
by 李尋歡 under
戲劇, 生活
with
朋友傳來某個facebook group的邀請，點擊一看，原來是「將好戲量踢出旺角」，不禁倒抽一口涼氣。
從大學時代開始，我已認識《好戲量》這個劇團，還看過《驅歌》的首演，印象甚深，皆因當時擔綱主演的，是張繼聰和白只；而部份劇社莊員也有份參演，做chorus。那時候，我覺得《驅歌》不算突出，但整體感覺不錯，四平八穩的，沒料到，這是《好戲量》最「正常」的演出。
出位，不為過；另類，也沒甚麼大不了。但今早讀了林忌的《寄語好戲量》，還看了以上一段「七到冇朋友」的短片，只能對mon輕嘆：「駛唔駛咁絕呀？」幫Gigabyte做這種突兀show，《好戲量》收幾錢？
雖然我對《好戲量》的表演手法，諸如當街誠徵男女朋友等，當相反感，但正如林忌所說：我不認同你，但我誓死維護你的權利。
我不知道《好戲量》在旺角表演是否合法，但我樂意看見西洋菜街變成西九龍文娛藝術區。而始終，還是有人欣賞他們的。《好戲量》，請珍惜。
話說回來，部份網民表示不滿的手法，也值得商榷，例如我看見有人在《好戲量》的 blog留言，寫道：「垃圾垃圾垃圾垃圾垃圾垃圾垃圾垃圾垃圾……」這算甚麼？發洩？「將好戲量踢出旺角」的facebook group建議網民：[無聲抗議] 一見佢地做戲係行去佢地中心企三秒跟住走或者係中間行過去。
這又算甚麼？以毒攻毒？
Written on 21 August 2008
by 李尋歡 under
戲劇, 生活
with
當日決定在《應徵》引用《螳螂捕蟬》的橙檔東主，一心以為文本互涉很好玩，結果陷大家於抄襲的瓜田李下，玩出火來了。始終，這是成名作者的玩意。
戰友們，對不起。
Written on 15 August 2008
by 李尋歡 under
戲劇, 生活
with
陳發財：
尋晚我一個人響檔口埋數，拎住成筒五蚊銀響度數，一個，兩個，三個，四個，五個，數到第三百六十個既時候，個月亮岩岩升到上天頂，我熄左盞大光燈，望著個月亮，好撚圓，好似個五蚊銀咁圓，我望下個筒，幾百個五蚊銀閃下閃下，好似幾百個月亮咁殘眼，殘到我眼水都標埋出黎。
失驚無神唔知邊個咁夜打黎，又冇來電顯示，本來我諗住唔聽架啦，點知佢死唔斷氣，咪聽埋個電話囉。我拎起部電話，有把靚妹仔聲話，先生，你得唔得閒？
我諗都唔諗就話，好撚忙！
點知當我講到個撚字既時候，個靚妹竟然插嘴，佢話佢係唔知乜春大學既研究部，依家做緊問卷調查，叫我幫下手。我話我最尊敬就係大學生架啦，社會棟樑鴉嘛，要做研究下嘛，做就做啦！
跟住佢開始播錄音，有把女聲話，呢個係香港人開心指數調查，以下有十句說話，如果你非常認同既話，請按五字，認同既話，請按四字，無立場既話，請按三字，唔認同既話，請按二字，非常唔認同既話，請按一字。
第一句，你對現狀感到滿意。我諗左一諗，哇，呢條問題都幾深，真係大學生先問得出。咩叫做現狀呢？咩叫做滿意呢？
我左手拎住個筒，右手拎住部電話，一路行，一路諗，不知不覺行左出檔口，成個街市冇哂人，但係一地都係報紙，好似個廢墟咁。
我諗起朝早睇報紙，香港政府話失業率跌至新低，即係人人有工開，人人有工開係咪即係皆大歡喜？
我又覺得唔係喎，好似我新請返黎果個伙記阿榮咁，日日苦口苦面，好似全世界都欠左佢咁。我問佢，你係咪死老豆呀？佢話死老豆就好咯，分佢家產以後唔駛做！
我話仆街仔，你唔想做咪返去隊死你老豆囉！佢話你都痴既，隊死佢我咪要坐監？我先冇咁笨！又係喎，邊有人咁笨先得架？
諗下諗下有個金毛飛唔知響邊度閃出黎，一手發甩我部電話，佢拎住把生果刀，手震震咁問我，要錢定要命！我真係火都黎埋，我望佢一眼，同佢講，兩樣都唔要，有本事拎去！佢望一望我，好似有D肴底，佢話剩係要錢得啦，唔駛客氣。
依家邊個同佢客氣？我諗都唔諗，一掌打落佢心口度，彭一聲，打到佢成個人飛起，仲撞埋去我個檔口度，D發泡膠箱林哂落黎，好似雪崩咁，D橙碌到周圍都係，有D俾佢踩到扁哂，D橙汁必哂出黎，成個街市浸Q哂，真係陷家橙。
跟住我執返起部電話，禁左個五字，挑那星，我對現狀真係好撚滿意！
後記：
這段獨白，只花了十數分鐘便寫出來了，可謂一氣呵成。
香港人開心指數調查，真是經典。記得在《文匯報》實習的時候，採訪過一個叫做「父親開心指數調查」的發佈會，我心想，開心指數調查，是怎麼調查的呢？如果你問受訪者：先生，你開心嗎？對方真的知道，到底自己是否開心？這種調查，這種偽科學，到底有甚麼用？
直至出來社會工作，才知道，原來問卷調查，是marketing的一種，調查甚麼並不重要，調查結果更加無人理會，問題是你的調查題目，是否夠draw。
人家hea住來做調查，你便hea住來回應，彼此都毫不認真，是的是的，今時今日，why so serious？
Written on 12 August 2008
by 李尋歡 under
戲劇, 文本, 生活
with