尋歡捕樂

(一) 

「Leo，我唔想做啦，有咩好介紹呀？」現職旅遊版記者的C小姐，邊說邊啃著Mos Burger的海鮮漢堡。她攤一攤手，又說：「而家我做緊o既野，根本唔係我想做o既。」

「此話怎講？」我徐徐翻開海鮮漢堡的包裝紙，一口咬下，唔，味道還可以。

「你打開本野睇下。」我信手翻開雜誌M，問：「哪版是你的大作？」「這裡。」我定睛一看，竟然是教讀者購買體育用品的欄目。「你轉左版？」「冇。不過下期我做『談情說性』」「……」我差點噴飯。

「唉~~~」長嘆一聲後，C小姐繼續訴苦：「老闆仲問話我寫o既o野唔係主流，唔入流！」這種指控，好像似曾相識。「此話又怎講？」

「本書轉緊營，但係變得好差。」C認為，旅遊版是眾多副刊欄目之中，惟一可以混入hard news元素的地方。「可以寫倒當地居民o既生活情況嘛！」但該雜誌愈來愈像十蚊三本的旅遊工具書，C氣說：「佢地只係要簡單易明、少字、好冇taste！」

聽到這裡，我心裡一寒，漢堡幾乎吃不下去了。

(二)

有日，我與攝記K一同工作，採訪某家公司研發的新科技。負責講解的男生，貌甚年輕，我跟K說：「咁年輕就擔大旗，前途無可限量！」K淡淡然說：「做邊行o既前途都無可限量架啦，除左記者。」我呆了半响，K生怕我聽不明白，再次重申：「我諗黎諗去，都係記者最冇前途，冇得升。」