講真，我非常佩服四、五十年代在中國大陸出生的女人，她們的膽色，真是嚇死人。家母正是這類人，我少說也嚇死過十萬九千次。
是夜，在我忙著苦思「陸氏之謎(The Paradox of Look’s)」的時候，家母忽然在我背後出現，幽幽地說：「你隻雀呀，個嘴生得太長，頂住個下巴，食唔到野，我幫佢剪左少少啦。」聽罷，我的體溫急降五十度，面色一定不好看，所以她說：「你呢個表情算係咩意思？我連獸醫都做埋呀。我一開始只係剪少少，睇下佢有冇留血，點知冇留喎，咪剪多少少囉！」
「之前佢雙眼生肉瘤，諗住剪走佢，點知留好多血，我咪幫佢沖涼果陣先搞囉。如果粒瘤岩岩生，血管未到，就冇血架啦。你睇，而家粒瘤都冇左啦。」
我一直為之語塞，如果驗血服務擴展至廿四小時營業，我懷疑，我會立刻衝去驗血，破解我的出生之謎。我不是嫌棄家母，只是懷疑，她大概不是地球人。
想一想，八、九十年代出生的香港女人，有沒有這種「膽色」？